Ageun apeŋo ajaasi Iŋatunyo lu eboyete abua. Atapit ikesa kwi aiman kec amagoro opone lo alosit idiopediopen. Ikamu ice arereŋu na ediya, arai ikesayi anyamaar bon.
Kwape aratar Iŋatunyo lu ekupup otoma aiman atapit Ibuwok, Igwaŋia ka Acutio aleconor Iŋatunyo ademanar ediyakec kwape atapitor aiman idiopediopen. Ibore yen obu oridakina Iŋatunyo asenyar adepar. Eomoomata Iŋatunyo noi adaun ikaru akwatai, apotu osesenata bon be, neduc etukor kesi mam Ibuwok, Igwaŋia ka Acutio eyapunete da. Ageun aŋin, apotu Iŋatunyo itutuboto Einos ka Aimor kwape ayuwara ka akerianut kec toni lolo.
NU ISISIAUNA: Einos ka Aimorikikina ŋesi agogoŋu ka akerianut.
