Aparasia nu akolo, edicanara Atapeŋo ka Imunuo adepar kwa idicatar akonye esesenete. Egeutu Atapeŋo auri abee, apotu ijaikisi Emun aidar eroko kesi ejaasi aiman inyamen.
Esalaki Emun aidar abee, abu alilio olomak Emun na obu isumurik nu edicane kec ejautene lo aburokotor abee Atapeŋo adepar nuke. Ibore yen obu ocodu Emun alomakin ailik abee Atapeŋo tetere nuke da eburokoto.
Eboŋutu Atapeŋo adumun abee kec emamete. Iŋitasi Emun, mam Emun apedorit toni aboŋonokin aiŋiseta kwape elelebar ikesayi akoik. Ojenikinete Atapeŋo nu obu Emun iswama ibore yen obu ijaik Atapeŋo aresianar toni nuce Atapeŋo kere atukun neda olomakinatar atodotod Emun toni ayarar.
Ageun aŋin toni lolo mam Atapeŋo egiparete Emun kede atukokin ayarar da.
NU ISISIAUNA: Ajaikina kon ŋes idila ayaunun alilio ka asurup kidiŋ odicane.
